Mo Twister not offended by Rhian Ramos's decision to hire legal counsel

Usap-usapan pa rin ang pagkuha ng abugado ni Rhian Ramos para sumagot sa isyu ng breakup ng aktres at ng TV host at radio jock na si Mo Twister.

Si Atty. Lorna Kapunan ang kinuhang legal counsel ng GMA Artist Center para kay Rhian. (CLICK HERE to read related story.)

Sa lumabas na balita rito sa PEP.ph (Philippine Entertainment Portal), kinuha raw nila ang serbisyo ni Atty. Kapunan para sa legal issues na kakaharapin ng aktres kaugnay ng mga endorsement nito.

Maaari raw maapektuhan ang mga endorsements ni Rhian ng kontrobersiyang kinasasangkutan nila ni Mo, lalo na yung may morality clauses dito.

Ayon naman kay Atty. Kapunan, plano niya ring kausapin si Mo tungkol sa isyu nila ni Rhian.

Naniniwala raw kasi siyang maaayos pa ang lahat nang hindi umaabot sa korte.

Pareho naman daw "intelligent and rational" individuals sina Mo at Rhian.

"We are looking at talking to Mo seriously. I have guested in his show twice, and I think he's a very rational person.

"And I think if we talk to him, emphasize to him the importance of not damaging other people's reputations, he will also appreciate [Rhian's position].

"So we're still hopeful that, in the end, this will be settled out of the court because the parties naman are intelligent and rational people," paliwanag ni Atty. Kapunan.

DJ MO REACTS. Kahapon, May 17, hindi maiwasang itanong kay DJ Mo ng co-hosts niya sa Juicy Express—daily showbiz talk show ng TV5—ang tungkol sa pagkuha ng abugado ni Rhian.

Si Cristy Fermin kasi ay nagpahayag ng pagkontra sa bagay na ito.

Aniya, "Ako, kaya kong tanggapin yung panghihingi ng pieces of advice sa isang lawyer.

"Pero kung gagawin mo yun sa isang paraan para lang mang-intimidate ka at makaganti ka, hindi ako pasable dun."

Kaya hiningi ni Cristy ang reaksiyon ni Mo sa pagkuha ng kampo ni Rhian ng legal counsel.

"Siguro just for advice," sambit ng radio-TV host.

"Ayoko naman sana yung mga tao, i-give too much sa pagkuha ni Rhian ng lawyer. Kasi sa lawyer na assigned, I think, ng GMA para sa kanya.

"Hindi naman siya naghahanap ng abugado. Parang binigay lang as adviser.

"At marami namang endorsements si Rhian, marami siyang projects outside GMA na kailangan talagang alagaan.

"You know, the best thing to do is really to give the right answers.

"And the right answers could come probably from professionals."

Bagamat sinasabi ng ilan na may iba pang reason sa pagkuha ng abugado ni Rhian, iba naman ang pananaw ni Mo dito.

"Pero again, I think hindi si Rhian ang kumuha dito. It was assigned to her.

"Ginagawa niya lang yung gustong gawin ng employers niya.

"At ang employer niya, yung GMA. So, huwag naman sanang isisi kay Rhian," sabi ni Mo na nagdi-deklara pa rin ng pagmamahal niya sa dalaga.

Hindi ba siya nao-offend dito?

"No, I'm not offended by any means at all," sagot ni Mo.

"At yung lawyer naman niya ay isang kaibigan ko.

"So, this is something just to help us mediate about the issues."

Naging kaibigan ni Atty. Kapunan si Mo dahil kay Hayden Kho Jr., na kliyente ng abugado sa kasong isinampa rito ni Katrina Halili.

Samantala, nagpadala ng text message ang corporate communications department ng GMA-7 sa PEP.ph (Philippine Entertainment Portal) upang ituwid daw ang isyu.

Sinabi nilang walang anumang partisipasyon ang network sa pagkakaroon ng legal counsel ni Rhian.

Ang maikling statament ng GMA-7: "The decision to hire a legal counsel was not made by GMA Network. It was a personal decision of Rhian and her family."

Reade more >>

Rhian Ramos's legal counsel hopes to settle issue between the actress and Mo Twister out of court

Kahapon lang, May 13, nagkaroon ng pagkakataong magkita sinaRhian Ramos at Atty. Lorna Kapunan.

Si Atty. Kapunan ang siyang napili ng GMA Artist Center na maging legal counsel ng Kapuso star.

Dalawang beses na raw nakapunta si Rhian sa law office ni Atty. Kapunan pero ang partners lang nito ang nakakausap niya.

Ayon kay Atty. Kapunan, nakuwento ng isang partner sa kanyang law office na nung unang punta ni Rhian sa kanilang tanggapan, mukhang apektado raw nang husto ang young actress.

"When my partners saw her and talked to her, she seemed very distraught because of what Mo had done to her, certainly.

"She was concerned about how it will affect her contracts that had morality clauses.

"But when she came back yesterday [May 12] and met my partner again, she seemed better.

"And I think what she has found out for herself is there is life outside the relationship," pahayag ni Atty. Kapunan sa PEP.ph (Philippine Entertainment Portal) nang makausap namin siya sa kanyang law office sa The Fort, Taguig City kahapon.

Ayon pa kay Atty. Kapunan, "I understand from my partner, that she [Rhian] has gotten busy.

"Enrolled in fashion school, yoga classes, and all that.

"So, it's I think her way of coping with the situation while the lawyers are trying to understand what are the legal options should there be no possibility of a settlement between the two."

Kaibigan din daw ni Atty. Kapunan si DJ Mo dahil kay Hayden Kho Jr., na isa sa mga kliyente niya.

Kaya naniniwala raw siyang maaayos ito at hindi na aabot sa demandahan.

Iyon din naman daw talaga ang gusto niya dahil personal na isyu nila ito, na puwedeng pag-usapan na lang nilang dalawa.

"Hopefully, it will be settled," sabi ng abugado ni Rhian.

"Two parties here had shared a past together and we are hopeful that this matter will be settled and will not be again enlarged out of proportions.

"Sana on the part of both sides, mag-cool down muna sila.

"Kasi ganyan ang mga magkasintahan o magka-live-in, di ba?

"It's as if the whole world or the whole argument becomes their world."

Susubukan din daw ni Atty. Kapunan na makausap si DJ Mo dahil ang isa pang isyu rito ay ang pagti-tweet ng radio jock/TV personality ng mga intimate moments nila na maaring makaapekto sa katauhan ni Rhian.

Kung patuloy pa rin daw ang pagti-tweet nito tungkol sa kanila ni Rhian, maaring pag-uusapan daw nila ng kanyang kliyente kung anong mabuting gawin para hindi na lumala pa ang kaso.

"Then we will advise our client accordingly," sabi ni Atty. Kapunan.

"Kasi right now, ang feeling namin is, this is all done in haze or without thinking.

"But we are looking at talking to Mo seriously.

"I have guested in his show twice, and I think he's a very rational person.

"And I think if we talk to him, emphasize to him the importance of not damaging other people's reputations, he will also appreciate.

"So we're still hopeful that, in the end, this will be settled out of the court because the parties naman are intelligent and rational people."

Isa sa mga ipinost ni DJ Mo sa kanyang Twitter account kamakailan lang ay ito: "Someone please tell me not to hit the destruct button. please tell me not yet."

Reade more >>

Mo Twister not giving up on Rhian Ramos; regrets tweeting about their intimate moments together

Bago pa man umere ang showbiz talk show ng TV5 na Paparazzi noong Linggo, May 8, ay kapansin-pansin na ang pagiging tahimik ng isa sa mga host ng programa na si Mo Twister.

Opening na ng programa, pero matamlay pa rin siya. Malayo sa Mo Twister na nakasanayan na ng lahat na bukod sa katabilan ng kanyang dila ay maharot at mahilig manlaglag o magbuking sa co-hosts niyang sina Cristy Fermin, Dolly Anne Carvajal, at Ruffa Gutierrez.

Pero noong Linggong 'yon nga ay parang wala siya sa sarili at tila namumugto pa ang kanyang mga mata.

Halatang affected talaga si Mo ng kung anumang problema sa relasyon nila ni Rhian Ramos.

Naging masyadong maintriga ang nangyaring hiwalayan nila ni Rhian. Lalo pa at nagkapalitan pa sila ng medyo maaanghang na tweets sa kanilang Twitter accounts. (CLICK HERE to read related story.)

Paliwanag ni Mo sa kanyang mga co-host, dala lang daw ng kanyang hindi na nakontrol na emosyon ang naging isyu nila ni Rhia sa Twitter. Nagulat raw kasi siya na biglang may tweet na lang sa kanya ang aktres na break na sila.

Mas lalo pang tumindi ang intriga nang may mga tweet si Mo na patungkol sa pagka-miss nito na katabi si Rhian. 'Yong meron pang "please come home," at saka may nabanggit pang toothbrush na ginamit ng aktres, at hibla ng buhok nito na naiwan sa banyo. (CLICK HERE to read related story.)

Ang naging dating kasi sa iba pang mga nakabasa nito ay nagli-live-in na sila ni Rhian bago nangyari ang kanilang breakup. Na mariin namang itinanggi ng TV host. (CLICK HERE to read related story.)

Hindi rin daw umano si Rhian ang tipo ng babae na makikipag-live in nang hindi pa kasal. At lalo umanong hindi hahayaan ng parents nito ang gano'n.

"Yong "please come home" na nasa tweet niya, hindi raw literal na coming home ang ibig niyang sabihin.

"Home kasi is me and Rhian," paliwanag ni Mo. "So what I mean by please come home—come back to me."

Wala silang inamin ni Rhian tungkol sa kanilang relasyon. Tapos biglang-bigla, heto siya at vocal sa kanyang nararamdaman tungkol sa problema sa relasyon nila.

UNANSWERED QUESTIONS. Mahaba-haba rin ang interview kay Mo ng mga co-host niya. Pero hindi pa rin klaro ang kuwento sa likod ng anumang problema sa relasyon ngayon nila ni Rhian.

Kaya pagkatapos umere ng Paparazzi, nilapitan ng PEP.ph (Philippine Entertainment Portal) si Mo para sa mga tanong na hindi namin narinig na nabigyan niya ng direktang kasagutan.

Ano nga ba ang naging cause ng "breakup" nila?

"'Yon nga, misunderstanding," sagot ni Mo.

"Konting argument lang. Tapos medyo lumaki.

"Bago pa 'yong tweet niya sa akin na break na kami, meron na kaming misunderstanding. Na very small at minor na minor lang.

"Kaya nga masakit kasi we were at our best, tapos isang maliit na bagay lang ang naka-affect sa amin dito."

Kinulit namin si Mo na tukuyin kung ano nga ba 'yong maliit na misunderstanding sa pagitan nila ni Rhian na pinagsimulan ng lahat. Pero talagang ayaw niyang sabihin.

"Kasi it's between us... 'yong argument. Wala lang...misunderstanding, tapos pumasok sa Twitter.

"Akala ko siya ang nag-tweet. Hindi pala. Nag-react naman ako.

"Kasi feeling ko, nainsulto ako. At 'yong mga nasabi ko, medyo masama. Nasaktan din siya," pag-amin niya.

BLAMING TWITTER. Sa Twitter daw niya naidaan ang paglalabas niya ng kanyang saloobin dahil wala na raw kasi silang communication ni Rhian.

Hindi na raw niya alam ang bagong number ng young actress. Kaya Twitter ang kanyang naging medium ng mga gusto niyang iparating sa aktres.

Na later na lang niya raw na-realize na mali.

Sising-sisi siya kung bakit hinayaan niya ang kanyang sarili na matangay ng kanyang emosyon para mag-tweet ng mga aniya'y hindi nga maganda for Rhian.

Na feeling niya, kahiy panay ang hingi niya ng sorry sa aktres at sa mga magulang nito, parang huli na.

Ano ba sa tingin niya 'yong pinakamasakit na nasabi niya kay Rhian through Twitter?

"I don't know. Hindi ko siya nakausap, so... Hindi ko alam kung ano doon ang pinakamasakit. Siguro itanong mo na lang sa kanya."

Noon pa man, napapabalita na ring matindi ang pagtutol sa kanya ng mommy ni Rhian na si Mrs. Clara Ramos para maging boyfriend ng young actress. May tsismis pang madalas silang mag-away nito.

Ano nga ba ang totoo rito?

"More of misunderstanding. Hindi naman away," paglilinaw ni Mo.

"Kung away, e, di sana hindi ako puwedeng pumunta sa bahay nila.

"E, recently naman, do'n ako pumupunta sa bahay nila. Do'n ako dumadalaw kay Rhian.

"Pumapayag naman 'yong mommy.

"So, minsan may misunderstanding. Pero hindi naman sa level na away."

Iniisip ng iba, baka naman may third party?

Baka may ibang admirer o suitor si Rhian na pinagselosan niya? O di kaya, siya ang nabuking ni Rhian na may iba?

"No. I think if you know me, and how much I love Rhian, you'll realize that I will never do that to her," sagot niya.

Kung sabagay, para sa isang lalake na umiyak nang dahil sa babae, mukhang mahal nga niya si Rhian.

"I cry every day. Hindi ako makakain. Hindi ako makatulog. Affected talaga ako," pag-amin ni Mo.

Kung hindi si Rhian ang nag-tweet na break na sila, sino sa palagay niya ang gumawa nito?

"I don't know. I don't want to speculate naman.

"Nangyari na 'yon. The damage has been done. I hope na lang na maayos ito."

NOT GIVING UP. Sa naging sitwasyon nila ni Rhian ngayon, may mga nagsasabing si Mo raw ang dapat sisihin.

Bakit daw ba kinailangang sa pamamagitan ng Twitter siya mag-react? Kung hindi man niya alam ang bagong cell number ni Rhian, puwede naman daw siyang pumunta sa bahay ng mga ito para magkausap sila at magkalinawan.

Ano ang reaksiyon niya rito?

"Hindi, kasi... I have to respect the rules na hindi puwedeng tumawag sa kanya. May dahilan naman kung bakit wala siyang cell phone ngayon, e.

"So if that's the case, you just have to respect it. Baka mas lalo silang magalit sa akin kung...

"I don't know kung dahil sa akin kaya siya nagpalit ng number. If ever na iyon ang rule o in-instruct sa kanya," saad niya.

Dagdag niya, "It's tough to be in this scenario. Akala ko, kaya namin ni Rhian to get over it."

So, naggi-give up na siya?

"No," mabilis niyang sagot.

Ipaglalaban pa rin niya ang pag-ibig niya kay Rhian?

"I don't know. I'm just lost now. And, 'yon nga, medyo nahihirapan akong kumain...matulog."

Until when niya titiisin na ganito ang sitwasyon nilang dalawa? Is he not planning to make any move para personal silang magkausap at magkalinawan?

"Maybe down the line. Sana. If ever."

Ano ba ang nakakapigil for him na gumawa ng hakbang so they can talk? Kailan ba sa palagay niya ang tamang panahon?

"Right now, I have to be honest lang kasi.

"It's more like, I just have a hard time getting through the day. I can't even plan for the future."

MISERABLE. Buong pamilya ni Mo ay nasa U.S. Mag-isa lang siyang namumuhay dito sa Pilipinas.

Kaya mahirap para sa kanya na sa pinagdaraanan niya ngayon ay wala man lang siyang balikat na maiyakan o masandalan. Lalo sa mga sandaling ramdam na ramdam niya ang kanyang pag-iisa.

"Miserable!" nailing at malungkot na sabi ni Mo.

Paano siya nagku-cope sa panahong ganito na tila nalulunod siya sa sobrang lungkot at depression? Nagri-resort ba siya to drinking or anything para makalimot sa problema o sa emotional pain na kanyang nadarama?

"Not really. I don't drink.

"Basta nasa kuwarto lang ako. Madilim. Do'n ako nakahiga."

RHIAN'S IMAGE. Aware ba siya na naka-affect sa wholesome image ni Rhian ang mga tweet nga niya tungkol sa toothbrush o hibla ng buhok ni Rhian sa banyo, o 'yong sleeping beside her...mga gano'n?

"I don't know," sagot ni Mo.

"Like I said, it's not as bad as 'yong mga tao, parang feeling nila nagli-live in kami and stuff like that.

"It really is just...we spent so much time together. Kung mga free time ko o free time niya, magkasama kami.

"Mangyayari iyon kung halimbawa kailangan niyang mag-toothbrush. Na minsan lumalabas kami, tapos may garlic 'yong kinain namin, tapos 'Puwede maki-toothbrsuh?'

"Na, 'O sige, bilihan na lang kita ng toothbrush.' Hindi naman ibig sabihin no'n nagli-live in na.

"Naiintindihan ko naman kung bakit ang mga tao ay ia-assume iyon sa nai-tweet ko. At do'n ako medyo sorry at regretful."

Inihahalintulad ni Mo ang love story at naging relasyon nila ni Rhian to a great movie na aniya'y maa-appreciate nang husto ng sinumang makakapanood.

"I just said that kasi parang it's a really good love story. Better than any movie that I have seen.

"And if ever you get to read about it one day, you' realize also na it was amazing," sabi niya.

Sa ngayon, tila huminto ang pag-ikot ng mundo para kay Mo matapos silang mag-break ni Rhian.

When will he start moving on?

"I don't know. I just need to survive first. And then we'll see."

Kapag nakita niyang may bagong boyfriend na si Rhian, do'n pa lang ba niya matatanggap na talagang nag-end na ang love story nila?

"Yeah, mangyayari naman talaga iyon, e. Eventually, I'm sure she'll find somebody new.

"And if that's the case, sana love her like I did. Kasi she's very worth it."

With that, parang sinabi na rin niyang tanggap na nga niyang hindi na sila magkakabalikan pa?

"Hindi naman tanggap. But eventually, mangyayari naman talaga iyon," sabi niya.

Pero kung siya ang tatanungin, ano ang ending na gugustuhin niya sa love story nila ni Rhian?

"That we work things out and everything will be okay."

Magkaroon ng part two?

"Sana!" sambit niya.

RHIAN'S SIDE. Samantala, hindi pa rin nariringgan ng anumang pahayag ang kampo ni Rhian.

Pero lumabas sa PEP Alerts na kinuha na ng kampo ng Kapuso young actress ang serbisyo ni Atty. Lorna Kapunan upang maging legal counsel nito.

Si Atty. Kapunan na raw ang sasagot ng lahat ng mga tanong tungkol sa relasyon nina Rhian at Mo.

Sa pagpasok ni Atty. Kapunan sa eksena, nangangahulugan ba na may balak ang kampo ni Rhian na magsampa ng reklamo laban kay Mo?

Reade more >>

Mo Twister reminisces sweet moments with mystery girl around the world on Twitter

Ilang oras pagkatapos niyang maglabas ng kanyang emosyon sa showbiz talk show ng TV5 na Juicy! Express kahapon, May 5, idinaan naman ni Mo Twister sa TweetDeck ang nararamdaman niya kaugnay ng problemang kinakaharap niya ngayon.

Walang binanggit na pangalan si Mo sa kanyang mahabang message, kung saan sinariwa niya ang intimate moments nila ng aniya'y nami-miss na niya at sinasabihan ng "good night."

Si Mo lang ang nakakaalam o makakasagot kung si Rhian Ramosnga ba ang tinutukoy niyang nami-miss niya sa mahaba niyang message.

Although, base sa nilalaman ng kanyang mahabang entry, hindi nakakapagtaka kung akalain ng lahat na si Rhian nga ang tinutukoy niya.

Ito ay dahil sa mga naging pahayag nila sa Twitter, at ang madamdaming pag-amin ng radio and TV host na may problema nga sa kanilang relasyon ngayon.

Reade more >>

Mo Twister breaks down over relationship problems with Rhian Ramos; regrets Twitter posts

Hindi sumipot si Mo Twister sa kanyang radio program at sa daily showbiz talk show ng TV5 na Juicy! Express kahapon, May 4, dahil sa mabigat na pinagdadaanan ng relasyon nila ng kanyang rumored girlfriend na si Rhian Ramos.

Nalaman ng publiko ang tungkol sa pinagdadaanan nina Mo at Rhian dahil sa palitan nila ng mga pahayag sa Twitter kahapon. (CLICK HERE to read related story.)

Base sa tweets nila ay tila may pinag-awayan ang dalawa, kaya ang akala ng iba ay nag-break na sila. Ito ay sa kabila na hindi naman talaga nila inamin sa publiko ang tunay na estado ng kanilang relasyon.

Reade more >>

Rhian Ramos breaks up with DJ Mo Twister in Twitter?

In Twitter, when a celebrity’s post a tweet, it can become the next big thing in showbiz. Like what happened to Rhian and Mo were allegedly breakup begin spreading online that Rhian Ramos and Mo Twister tweeted the reportedly breakup.

In this Mo’s tweets yesterday evening sounded like lonely. Here his posts read:

“You told me its your job to be single and desired, but what about the hearts you break along the way?”

“i can drown in tears all day or work & pretend im not the shell of the person ive been all week....”

Reade more >>