Live na in-interview ni KC Concepcion ang kapwa niya Kapamilya star na si Jericho Rosales sa The Buzz kahapon, May 8.
Pinag-usapan nila ang Hollywood movie ng Filipino actor na Subject: I Love You, na nagkaroon ng world premiere sa Newport Beach Film Festival last April 30.
Katambal ni Jericho sa pelikula ang Hollywood actress na si Briana Evigan (Step Up 2).
FIRST INTERNATIONAL FILM. Paano ba siya napili para gumanap ng lead role sa isang international film?
"Nagsimula ito noong February 14, 2008, I think, or 2009," simula ni Echo, palayaw ng aktor.
"May tumawag sa office namin, sa Genesis, sinabi na may isang audition na nagaganap para sa isang role na parang American movie.
"It's actually an independent film, that they needed a Filipino actor na puwede raw magsalita ng English."
Hirit pa ni Echo, "Kaya noong mga panahong natsitsismis po ako na English nang English, nagpa-practice po ako noon."
Ayon kay KC, ang hindi raw alam ng mga tao, bago matanggap sa isang Hollywood film, kailangan talagang matutong magsalita ng English the way Americans do.
Nag-take ba si Echo ng classes about diction, accent, etc.?
"Yep, yep," sagot niya.
"Kinailangan ko lang tumambay kasama sila, yung mga artista.
"Parang yung ginawa ko noon sa Manny Pacquiao The Movie. Kasama ko lahat ng mga trainors ni Manny Pacquiao.
"So, ganoon lang, nag-a-adapt yung sarili mong dila kapag nagsasalita ka na.
"But, yung pinakamahirap gawin is to try to relax kapag kasama ko sila sa set.
"Siyempre, big stars, starstruck talaga ako—Briana Evigan, Dante Basco."
Ayon ka KC, si Dante Basco, na isang Filipino-American, ay naidirek na ni Steven Spielberg noon sa Hook.
"Yes, yung mga ganoong background ni Dante Basco, kinakabahan ako do'n.
"Naidirek na ito ng isang Steven Spielberg, di ba? So, ano ang ibibigay ko rito?
"Although, siyempre, ipinagmamalaki ko ang mga director nating Filipino na magagaling.
"Pero siyempre, wala akong idea kung paano sila, e. Aral 'tong mga 'to, di ba?"
Ano ang naging biggest adjustment niya noong nagsu-shooting sila ng Subect: I Love You Virus?
"Medyo binawasan ko ang pagka-relax ko," sabi ni Echo.
"Alam mo naman tayo kapag nagsu-shooting, relax lang.
"Eto, palaging naka-focus. Palagi kong hawak ang script ko.
"Palagi kong nire-review ang script ko kahit maliit lang yung eksena. So, focus talaga."
ACHIEVEMENT IN ACTING. Dagdag impormasyon pa ni KC, out of 2,000 entries, 400 lang ang napili mula sa 50 countries na lumahok sa Newport Beach Film Festival.
At si Jericho ang nanalo ng Outstanding Achievement in Filmmaking Acting para sa pagganap niya sa Subject: I Love You Virus.
"Thank you, thank you," sambit ni Echo.
"I'd like to congratulate Francis dela Torre [the director] also, and yung buong Subject: I Love You team.
"Kasi talagang hardwork ang ibinuhos nila rito, at talagang nag-shoot sila rito sa Manila.
"Sinuyod nila ang init natin, pero na-enjoy naman nila at gusto nga nilang bumalik dito."
Does his family feel good about what he has achieved? Lalo na noon na hindi naman ganoon ka-global ang thinking niya and yet, now, nakaabot na siya ng Hollywood?
"Oo naman, oo naman," sabi niya.
"Si Mama lang, I'm sure may isang question siya sa akin noong umuwi ako. Kasi, tumawag ako sa kanila from States at kinuwento ko kung ano ang nangyayari.
"Napi-feel ko kung ano ang gustong itanong sa akin ni Mama ko—kung magkano ang ticket dun sa movie do'n. Gusto niyang manood.
"They are happy and then, sila Ate... Actually, si John Manalo, yung pamangkin ko, pangarap niya na makaabot kung ano ang napuntahan ko.
"So, this is for you John. Sana palagi kang ma-inspire sa mga nangyayari," sabi ng aktor patungkol sa kanyang pamangkin na napapanood sa Mara Clara.
CONNECTIONS. Iiwan na ba niya ang Pilipinas, lalo na ngayong may connection na siya sa Hollywood?
"No!" mabilis na sagot ni Jericho.
"Yung koneksiyon, importanteng salita yun.
"Yung koneksiyon ko rito sa Pilipinas, hindi ko puputulin.
"Gusto kong magkaroon ng connection sa States.
"Honestly, this movie, I believe it's a big opening not just for me, but for a lot of artists, di ba?
"Naghahanap sila ng mga Filipino.
"Salute sa lahat ng TFC, salute sa lahat ng friends natin sa States.
"Because of them, the people na nasa States now, medyo na-open ang isip nila na may market ang Filipino. Ang dami nating Filipino sa buong mundo.
"So, meaning, kapag may market na Filipino sa States na pumupunta, napuno natin ang first, second screening, meaning, puwede tayong mag-crossover."
Mataas ba ang bayad niya sa movie?
"Tama lang, tama lang. I'm really hoping for the best," sambit ni Echo.
"Hindi ko naman ikakaila ito, pangarap ko talagang makarating do'n [Hollywood]. Ma-experience kung paano sila magtrabaho.
"Maraming pagkakataon, so, sasamantalahin ko na."
Sa lahat ng nangangarap na magkaroon ng break sa Hollywood o international films, ano ang masasabi niya?
"Katulad ng sinasabi ko noon, labinlimang taon ko ng paniniwala.
"Kumbaga, don't stop dreaming.
"Naisip ko lang ngayon, si Alessandra de Rossi, yung movie niya [Busong], pupunta rin siya on the 14th... I think, pupunta siya sa Cannes Film Festival."
"This film, ito pong pelikulang ito, Subject: I Love You, ay ipinalabas sa Newport Beach Film Festival.
"Ang main goal niya is global distribution. So, positive result means global opportunity para sa pelikula.
"Hopefully, maka-travel sa buong mundo.
"Really, ako po, positive ako na ipapalabas dito, but that depends din po kung ano ang magiging status niya sa States.
"Ang problema lang natin dito, baka mapirata, di ba?" sabi niya.
0 comments:
Post a Comment